Oscar大事化小 請食送客
前歌手蕭潤邦（Oscar）近年在飲食界大展拳腳，接觸無數客人的Oscar透露亦遇上不少「怪客」，自編自導自演指食物不潔老屈金錢，貴為CEO的他為免得罪對方，會先道歉後請食賠罪，Oscar無奈說：「動機係點大家知啦。」並直言EQ比做歌手時提升三十多倍。
五年前轉投飲食界開設生煎包店做老闆的Oscar，近月開分店之餘更開設西餐廳，創業路可謂順風順水，圈中好友連詩雅亦捧場。經常落舖幫手兼巡視業務的Oscar大嘆生意並非「睇咁好」，近日遇見不少「怪客」，他說：「有日午飯時間有兩個女人入嚟，食晒所叫嘅嘢同叫埋外賣，之後話碟菜有蟲，條蟲有蚯蚓咁大，心知不妙。」
專揀飯市叫賠
令Oscar最起疑心是對方不斷大叫「依家點賠償畀我先」，他說：「佢話令佢好舒服，如果唔係我就打呢個電話（食環署），我咪同佢講對唔住。」Oscar續說：「佢哋好叻，專揀午市同晚市多人時，唔會將呢啲事放大，惟有話自己唔想嘅，會同廚房傾傾，當然我哋都要檢討，盡可能睇CCTV，動機係點大家知啦，同佢講我哋小店賠償唔到啲乜，最多我呢餐同埋外賣請你。」
EQ高咗卅幾倍
記者笑他被屈也要道歉，Oscar說：「學識大事化小、小事化無，又唔會變成搵錢奴隸，有啲好過分會趕客。（脾氣變得好咗？）依家EQ高咗三十幾倍。」他表示做了飲食CEO後學會堅持，他說：「要堅持同態度。」
文：音樂組
攝影：秦健輝