楊明正變邪打出癮

楊明在無綫劇《收規華》中戲份甚重，飾演30年代正直警察沈一然，與行事經常走偏門的張繼聰性格對立，兩男又與兩位女主角楊怡及林夏薇搞四角戀，關係錯綜複雜。

扑傷許家傑

入行多年的楊明演第二男主角，自然搏到盡，為應付劇中連場打戲亦不錫身，拍攝前跟武指操泰拳兩個月，最難忘是自己受傷之餘，亦不慎打傷同劇的許家傑：「有次唔小心用警棍打傷家傑眼角，非常唔好意思，之後拍打戲都有啲陰影。（想繼續拍打戲？）都好呀，係好挑戰，下次可以試古裝打法。早排學拳之後，都有練肌肉，希望下套劇騷肌畀大家睇。」

對於獎項，楊明覺得有提名已很開心。	楊明（右）拍一場打戲時曾錯手扑傷許家傑眼角。（資料圖片）	在《收規華》中，張繼聰（左起）、楊怡、林夏薇和楊明的關係錯綜複雜。

楊明在戲中後期因事業失意，變得不擇手段，演技發揮空間甚大，提到年前曾提名台慶頒獎禮飛躍進步獎，問今年會否想攞獎？楊明說：「仲飛躍？會唔會老得滯？（男配角獎？）當然想有提名，係對自己嗰年辛苦嘅肯定，有獎就鼓勵更大。其實每次演戲都想做得性格鮮明啲，希望觀眾睇到。」

尋結婚對象

感情生活方面，現年34歲的楊明曾給人花弗形象，但現時已漸變踏實，回復單身幾個月的他因劇接劇，沒時間識新對象，他謂：「人大咗，搵嘅都係結婚對象，唔會再玩玩吓，不過暫時冇時間。（擇偶條件？）最重要係善良，唔會彈三彈四、睇唔起人。（目標幾時結婚？）睇緣分，希望40歲前。」

文：影視組

攝：劉斌