陳婉衡操Fit做「股神」

擁有36E上圍的無綫藝員陳婉衡（Alycia）近期榮升「新咪神」，日前獲邀出席健身產品活動，身穿運動Bra騷事業線兼露腰，展現健康性感！上圍澎湃的她，最近健身主攻腰臀，似乎有意做埋「股神」：「想臀部更結實同腹部有馬甲線，每晚都花半個鐘至一個鐘喺屋企做Gym，主力做深蹲同水平支撐，希望身形更均勻。」活動中，Alycia被幾位半裸大隻男包圍，問到是否對肌男情有獨鍾？她笑言：「我鍾意睇，但唔使擁有，咁Fit嘅男仔有好多女仔黐住。我欣賞佢哋注重健康同自律，有目標嘅男仔就性感。」