周秀娜恨演古裝 性感OK
周秀娜出席now TV活動，透露自己求學時期已經屬劇迷，更試過通宵追看金城武的劇集，又稱希望接拍像《武則天》般的大型古裝劇，即使要性感上陣亦不介意。
藝人周秀娜昨日現身銅鑼灣，連同日模松岡李那、台灣組合2moro及景峰（Andrew）齊齊出席now TV舉行的「亞洲娛樂組合」的節目發布會，介紹十三條全天候播放的劇集及真人騷等綜藝節目。
自言熱愛煲劇的周秀娜對煲劇的口味廣泛，由韓國到內地的製作都會收看：「讀書時期都試過通宵煲劇，最鍾意睇金城武，依家就唔會啦，只有通宵拍戲。」
為真人騷談情
直言現在有空閒時間寧願爭取休息的她又稱：「有時拍戲等埋位嘅時候就會睇，特別鍾意睇《武則天》嗰種古代宮廷劇，因為啲衫同美術都好靚。」提到《武則天》內的戲服相當性感，自己可接受到？她說：「我得！之前都拍過啲古裝劇，但宮廷嘅題材真係好想試，最緊要緊貼歷史。」
同時又透露即將接拍內地真人騷節目《我們相愛吧》，節目中需要和男拍檔談情說愛：「明年一月會拍，劇組都問我有咩心水男拍檔，但我未諗到。始終節目入面拍吓拖唔難，現實中真心相愛先難，因為無時間相處。」
松岡晒廣東話
至於同場的松岡則以一襲紅色大露背連身裙，真空上陣的她成為全場焦點，活動中又大晒廣東話，她表示是最近努力的成果：「主要睇劇學，知道內容之後容易明白好多，廣東話同韓文都學緊，但廣東話真係好難。」問到緋聞男友林德信（Alex）平常可有跟她進修？松岡笑說：「Alex唔同我講廣東話，淨係講英文。不過佢廣東話好好。」同時又希望學習西班牙語。
文：音樂組