胡杏兒年底嫁唔知有婚假
剛以高價加盟新公司的胡杏兒，事業愛情兩得意。對於年底結婚的傳聞，杏兒雖然沒有正面回答，但亦沒有否認，全程笑笑口，但問她知否新公司有婚假時，她竟說：「有啲咁嘅假咩？」
剛加盟蕭定一公司「GME中國」旗下的藝人胡杏兒，昨日以代言人身份出席腕錶品牌Temporis活動，並壓軸行騷。問是否轉投新公司的首個工作？她指是舊公司無綫之前接下。她說：「有好多工作搵我，我適應能力好快。（咩地方最難適應？）自己婚紗店又同步進行緊，已經有好多人想同我合作，So far都OK。」問她在新公司是否榮升為一姐？杏兒謂：「唔知喎，唔係好緊要，唔做一姐好啲，好大壓力。」繼而賣口乖感謝品牌一直支持，成為八年代言人。
轉新工唔可以懶
提到未來工作，杏兒表示10月將返內地拍劇兩個月。有傳12月她與夜場老闆男友Phil拉埋天窗，記者笑她拍完劇集時間剛剛好，杏兒沒有否認，反而笑笑口說：「次次都咁問嘅！要做嘢先。（問公司有冇婚假？）有啲咁嘅假咩？以為得產假，我冇問呢啲。（拍劇時間夾晒喎！）依家做嘢先，轉新公司唔可以咁懶，唔係有排追數。」問她會否為自己設計婚紗？她撒嬌地說：「真係暈！都未結，到時先啦！依家專注工作。」
文：名人組