韓星Krystal撲港吸金60萬

曾演出韓劇《對我而言可愛的她》及《繼承者們》的Krystal，獲時裝品牌Moiselle邀請出席昨晚舉行的秋冬時裝騷。Krystal今次來港可謂凸顯身價及人氣，據知酬勞達六十萬港元，而且有十個工作人員同行，還安排住五星級酒店，排場十足。前晚她抵達香港機場時，一行約十人陪同步出，吸引過百名中港台三地粉絲接機，場面相當墟冚。十數名保鏢為Krystal護航，公關送上鮮花及限量四方盒手袋造型月餅以表歡迎，現場粉絲追隨Krystal到停車場，舉起手機狂拍。

揮手兼鞠躬

昨午Krystal到店舖揀衫，預備出席晚上的時裝騷，逾百名粉絲在場守候，品牌創意總監的陳栢熹（Harris）全程陪伴，不停介紹品牌新季系列。Krystal見粉絲在門外苦等，親切地走近門前企定定揮手兼鞠躬，讓傳媒及粉絲拍照。

Krystal昨午見到逾百粉絲撐場，即親民向門外揮手。	放大圖片	羅君兒應邀出席陳栢熹的時裝騷。

晚上穿着由Harris創作的新季系列連身裙的Krystal，接受主持人訪問時表示，團體近日忙於錄製新專輯及練新舞步，將會以全新形象回歸。談及家姐前少女時代成員Jessica現主力在大陸拍劇，兩人工作同樣忙碌，問兩姊妹如何相處？Krystal表示：「同家姐住喺同一間屋，但平日都要預先夾定時間，先可以食飯見面，都希望可以去內地同香港發展，今次可以喺香港出席活動，好開心見到一班粉絲！」問到平日喜歡甚麼類型打扮？Krystal表示：「鍾意舒適同簡約打扮，而今次條裙就好高貴！」

羅君兒撐場

Harris被問Krystal是否非常漂亮？他面紅紅說：「靚！（點解會邀請佢？）因為想搵比較年輕同有活力嘅嘉賓，佢嘅音樂同跳舞帶動到氣氛！（搵佢做代言人？）未必會！可能其他方面合作！」同場還有早前被綁架遭勒索2,800萬元的富家女羅君兒、邢嘉倩、關之琳及曾昭亮等。

文：名人組