小齊驚遇狂迷 刻名自殘

藝人任賢齊昨日到屯門出席活動為電影《落跑吧愛情》宣傳，試飲粉絲製作的珍珠奶茶，有女粉絲唔做大嘥鬼，竟飲小齊口水尾，小齊獲告知後笑言：「我唔想知、唔想諗呀！（遇過狂迷？）十幾年前喺天津開簽名會，有個十幾歲女仔用刀刻咗我名喺手臂，我叫佢唔好傷害自己。點知佢喺我演唱會衝上台，箍實我頸，我唞唔到氣，我保鏢即刻抱走佢，佢全身抽搐，後尾搵醫生睇住佢，之後我再冇見過個女仔。」