莫文蔚笑阿媽怕煩唔催生B

藝人莫文蔚（Karen）、名模琦琦與馬詩慧（Janet）及一眾名人等，昨晚現身Peter Cheung公關公司開幕活動，而謝婷婷則極速閃入場，不接受訪問。工作繁忙的Karen表示很久沒返港：「呢排要排舞所以留喺香港，之後去台灣同大陸開騷。（老公一齊去？）唔會，佢只會揀想去嘅地方睇幾場。」提到母親生日快到，她表示會在台灣為母親慶生：「佢生日我要喺台灣開騷，佢會嚟睇，之後慶祝。」問到母親可有催促她生B，她笑言母親也怕麻煩：「冇呀，佢驚煩到佢。（唔想抱孫？）媽咪諗嘢好開通，我見到其他人有小朋友，已經好大壓力。」

琦琦支持囡囡入行

琦琦和Janet向來老友鬼鬼，見面即雞啄唔斷，提到不少星二代也投身娛樂圈，琦琦指住Janet說：「係都佢先啦，佢啲女咁靚、身材咁好，又運動型。」琦琦透露女兒有畫畫天分，並指將來想當時裝設計師，問到是否批准女兒入行？她說：「呢行幾好，幾健康。佢鍾意畫畫，好有fashion sense。（支持？）會。」

以deep V西裝亮相的馬詩慧自言不太「安全」，笑言叫琦琦不要搭其膊頭。

陳鴻業與太太鄭詩韻拍住拖撐Peter Cheung（中）。

鄭詩韻為子入學忙

而名媛鄭詩韻與老公陳鴻業一同前來，她表示最近忙於處理兒子入學問題，希望兒子入讀本地學校學好中文。問她會否做怪獸家長？她說：「盡量都唔想，佢哋開始大個，成日會傾偈，呢段時間需要花多啲心機陪佢哋。」

文：名人組