張繼聰爆頭淋雨 屁股抽筋

藝員張繼聰、林夏薇及楊明等《收規華》演員前晚在尖沙咀食飯睇劇集首播，阿聰笑言要宴請一眾共患難的同事食飯。阿聰表示為劇集搏到盡：「有一幕成個酒埕爆落我個頭，拍咗兩take，武指第一take話要搵硬啲（道具），我叫佢大力啲，唔好錫住我。結果爆嗰吓條頸（發出）『哼』一聲！仲有拍淋雨戲得6至7度，凍到震，震到屁股抽筋！」他又大爆於劇中偷窺楊怡出浴露香肩：「好正，佢偷咗我個心！其實分開拍，我淨係睇到佢膊頭。」

林夏薇嫁人靚咗

已為人妻的林夏薇顯得容光煥發，她笑言已習慣被叫「莫太」，問她會否叫老公捧場？她說：「佢梗係要睇。（老公讚過你演技？）佢唔會咁直接，含蓄咁支持。」她透露到新加坡為無綫宣傳，問老公會否同行？她說：「唔會，大家做嘢好獨立。（冇時間造人﹖）忙完工作先！」

張繼聰自爆在劇中偷窺楊怡出浴。	楊怡	（左起）鄭敬基、張繼聰、林夏薇及楊明一起睇新劇首播。

楊明回應日前被拍得與低胸索女夜蒲，他說：「佢係我師妹，大家識咗好多年，只係傾偈飲嘢，唔係嗰回事。」對於被指疑似飲酒後駕駛及違反禁煙條例，楊明稱當時滴酒不沾及已遵從店員指示於可行範圍吸煙，沒有違規。

此外，兩套首播劇集《收規華》及《陪著你走》分別錄得25點及26點收視，而洪永城到北韓拍攝的節目《在那遙遠的地方》首播也高收平均25點，成績僅次《四個小生去旅行》。

採訪：影視組