周汶錡唔知細妹甩拖
名模周汶錡（Kathy）與老公Julien昨晚一同出席開幕活動，對於胞妹周麗淇（Niki）與男友徐正曦分手，她感到愕然：「我唔知道，咁突然？佢依家喺北京拍緊劇，我未收到消息。」經過記者解釋Niki在微博以「一切安好！保重！」回覆徐正曦，她說：「咁嘅嘢，完全係兩回事，即係大家揣測，等我了解下先，答錯咗就唔好。」
問她對徐正曦印象如何？她卻問非所答：「佢成日飛來飛去。好尷尬o架嘛，可能嗰幾句說話有另一個意思。」現場有記者指已與Niki聯絡，她沒有否認分手一事，Kathy說：「冇否認咁咪係囉，等當事人講啦。（對上一次見佢男友係幾時？）都幾個月前。」她表示早前已提早與妹妹慶祝生日。