童愛玲歡迎12歲囝囝冧女

藝人童愛玲昨日出席活動時，笑言暑假陪足囝囝兩個月，今天兒子開學，她終於不用「返工」：「佢今年上中學，話嚟緊會少時間見我，今個暑假想同我一齊，咁我咪帶佢周圍去玩，佢就快12歲，買衫買鞋都有要求，又唔肯剪短髮要留長，依家行型格路線，（係咪有暗戀對象？）我想佢有，係好事，咁佢就有動力做嘢，女仔係男仔嘅動力。」問到會否追個女兒？她謂一直也在嘗試，但就不會考慮人工受孕，笑言丈夫希望「靠自己」。