佘詩曼零姻緣 已有八件唔諗凍卵
藝人佘詩曼昨日出席酒店開幕活動，談到日前被本報獨家拍得她出席蘭桂坊某新夜場開幕時，不勝酒力的阿佘與友人熱情抱抱，又要兩名「大隻男」攙扶抬出場外。
問及此事時，阿佘說：「Work hard play hard。（真係醉咗？）自己酒量不嬲麻麻。（咁謙虛？）係真嘅！（轉咗好多場？）只係嗰日開幕，因為係朋友開嘅，支持吓啫。（好失威？）冇暈到，自己走到。（要大隻男扶住？）佢哋好有風度。」
現階段好開心
對於身邊不少好友相繼結婚生子，現階段仍處於單身的阿佘，表示一切隨緣：「生活最緊要開心滿足，我依家好開心。（朋友有冇介紹？）全部掛住湊仔。（依家有幾多契仔契女？）好多，有八個，好意頭。（想結婚生B？）一步一步嚟，一切順其自然。」
問阿佘會否考慮學葉璇做定凍卵手術？她冷淡的說：「哦！順其自然。」談到與無綫再度合作最快要排到下年，她不會要求公司為她度身訂造角色才點頭拍攝，還說：「演員就係要演繹到唔同角色。」
文：名人組