黃智雯苦守秘密獲邀做兄弟

左起：朱晨麗、黃智雯和朱千雪出席跑車巡遊宣傳活動。

袁偉豪、黃智雯、朱千雪和錢嘉樂等昨日出席無綫劇《拆局專家》之「拆解終極結局」花車巡遊活動，眾人坐上辣跑穿梭旺角、尖沙咀鬧市宣傳，更向市民派發海報、紀念品，場面墟冚。首次坐開篷跑車的朱千雪大感興奮，表示又Free又有型。

早前傳與黃宗澤齊追朱千雪的袁偉豪，坦承跟岑杏賢拍拖兩年，但否認已到求婚或訂婚階段，又盼外界給予空間：「我都視佢為結婚對象。（儲錢結婚？）係向呢個目標進發，要畀心機做嘢。（兩年內？）答唔到你住，但計劃緊。」自言較隱形的他笑謂：「自讀書拍拖後，除咗媽咪、婆婆外，我冇拖過女仔手。（兩年冇拖手？）喺屋企、揸車、睇戲都有。」獲邀做「兄弟」的黃智雯，笑稱辛苦地守秘密：「我都好戥佢開心，覺得佢女友好靚，佢參選嗰年我有份揀佢做『最上鏡小姐』。」

眾演員坐在開篷跑車上，與市民打成一片。	袁偉豪公開戀情，並預告搵黃智雯做兄弟。	袁偉豪（右）與岑杏賢（左）原來已秘密發展了兩年。

嘉樂練歌冧妻女

談到周二最高收視達28點，嘉樂盼周六大結局破30點，當晚更邀台前幕後食飯，袁偉豪指40點便搞泳衣派對，黃智雯則笑稱打算全體裸泳。早前嘉樂於演唱會唱歌冧太太湯盈盈，十月將在內地巡迴演唱，透露太太預產期為下月28日：「希望重新練隻國語歌，到時請太太坐觀眾席睇，希望到時有埋『三奶』細女，三個女人一齊睇。」

文：影視組