謝賢幫婷婷谷戲寸曾江畜生

謝婷婷、劉心悠及徐子珊等前晚出席靈異電影《有客到》在九龍灣的首映禮，婷婷父母謝賢及狄波拉於活動前驚喜現身，活動後，謝賢笑晒受訪，問今次是否撐婷婷？他說：「梗係！話晒係佢頭幾部戲。（心情點呀？）今日唔講呢啲！（驚唔驚睇鬼片？）我咪鬼囉！我成日搞鬼！」

婷婷感動想喊

提到有關曾江的問題，謝賢開始落閘，問《4個小生去旅行》何時有飯局？他說：「睇大家幾時得閒先，（約埋曾江？）唔好提呢個人！畀我開心啲！」婷婷表示是父親主動要求前來，自己也呆了一分鐘，並表示過去很少全家睇鬼片。

曾江在今晚播出的《4個小生》中被謝賢寸是畜生。	婷婷（右二）與劉心悠（右一）都對徐子珊抱着的黑貓很感興趣。	近期人氣不俗的牛雜妹也有現身。

對於被父親搶鏡，婷婷笑言「請得佢嚟預咗」，但拒絕透露謝賢心情是否已平復：「佢對住我哋當然笑，自己冇特別問番件事。」婷婷又透露有收看《4個小生》謝賢做太空人的一集：「戥佢開心多過驚，知佢鍾意刺激，見佢笑到好似細路咁，感動到想喊！（陪父母旅行？）好想，會抽時間。」

心悠及子珊均自認細膽，問心悠會否搵男仔睇《有》片壯膽，她說：「大膽啲嘅人就得，男女冇所謂。（有冇男仔自薦請你睇鬼片？）識我嘅人都唔好約我睇恐怖嘢。」

坐輪椅惹不滿

另外，今晚播出的第九集《4個小生》，再有謝賢和曾江的積怨線索，四人坐火車時要幫忙搬行李，但曾江依然坐在輪椅上，謝賢即向胡楓提議：「下次我哋都坐輪椅。」眾人親親老虎時，謝賢又對曾江說：「呢啲畜生，好似你咁！」

文：影視組