麥明詩最得寵獨領胸騷

《2015香港小姐競選》候選港姐佳麗昨日試穿著名設計師何國鉦設計的決賽晚裝，對於大熱門(1)麥明詩的低V晚裝大騷「事業線」最性感，她說：「重點唔喺呢度，條裙感覺好青春、好sweet，條裙大會揀，可能係襯番我嘅性格。（咁性感有冇嚇襯？）咁又冇，係睇成個cutting，條裙靚好開心，設計見到條腰線條，凸顯到腰線。（之前嘅衫都係你最性感。）唔同佳麗有唔同服裝安排，咁啱有咁嘅安排啫。」她不認為獲大會優待，會否招致其他女仔呷醋？麥明詩說：「唔會，女仔唔係淨係騷呢度（指胸部）先靚，我鍾意條裙色彩夠繽紛。」此外，她在英國劍橋畢業後曾短暫到報館做實習記者，希望關心社會及鍛煉中文。

(3)羅丹虹身高添自信

身穿長裙「中門大開」的(3)羅丹虹，但身材平平無甚睇頭，她說裙子是公司按她們的身形、膚色去揀：「條裙好靚、好挺，即刻自信晒。（中門大開好性感？）係呀，我都好自信，仲做足防走光措施。（身材冇乜睇頭？）最緊要平均，特別嘅長處都未必係好，最緊要行出嚟夠平均有自信，我都好有自信o架。（身材輸蝕？）佳麗各有唔同特色同長處，要睇整體表現，身材平均、自信、笑容、淡定，身材唔係唯一標準。（身材係弱點？）唔係，我夠高嘛，喺佳麗裏面最高。」

（3）羅丹虹中門大開，但她說自己最突出是身高。	（9）郭嘉文狀態不俗。	（5）林凱恩（左）日前浸親，現已無恙，旁為H程莉欣。

(5)林凱恩抽筋腳痛

日前參加「水上擂台」比賽游水時抽筋遇溺的(5)林凱恩說：「抽筋隻腳仲有啲痛，可能肌肉有啲發炎。（影響比賽？）都驚o架，決賽要成晚着高踭鞋、又要跳舞，會多啲浸熱水同按摩，希望唔會影響比賽。屋企人都嚇親，但阿媽笑我話好開心有咁多人見證我浸親。」而(8)程莉欣明顯趕及賽前修身，笑言：「壓力大自然瘦。」

文：影視組