軒仔內地遇村霸被屈10萬人仔

張敬軒前日率領一班小演員於深圳拍英皇電影《燦爛這一刻》，軒仔大爆之前於內地拍攝時，遇上「村霸」，當時劇組向當地農民租借住所拍攝，並傾掂價錢為1萬8千人民幣，後來卻有人坐地起價至15萬人民幣。

遭扣留攝影器材

談到當時情況，軒仔謂：「當晚都幾牙煙，搵咗公安同政府領導調解，最後都要畀10萬（人民幣）。」軒仔續說，屋主家人更扣留總值逾300萬元的攝影器材，結果要報公安處理：「佢唔係綁架，話人可以走，但機器要留低，令我覺得最唔舒服嘅係，佢逼製片立紙、壓指模，乜年代呀，壓指模。」

面對一班小孩，軒仔笑說遭嚇怕。	小演員一見軒仔就攬住他。	軒仔首次任電影男主角。

軒仔又指，就算內地劇組喺內地山區都會遇到這種問題：「比較失望係當地機關都幫佢哋，我哋畀嘅錢，足夠推冧佢間屋再起過，係好唔合理嘅費用，但又唔可以耽誤拍攝進度。」

嫌小孩窒頭窒勢

談到首次孭飛任電影男主角，軒仔稱每日開工10多小時，舞步也是邊學邊拍，並謂今次沒有固定劇本，導演又給予演員空間發揮：「入行第一次咁重戲份，自己會把握機會，因為公司好睇得起我，開部戲畀我。」面對多位小演員，軒仔笑言：「喝到聲沙，佢哋轉數又快，窒頭窒勢。（令你唔想生？）直頭驚！晚晚返去發噩夢。」