陳婉衡「超強」上位拋胸身價升

無綫藝員眾多，一向不乏爆乳咪神！無綫為明年巴西里約熱內盧奧運作準備，打造最強女團「Ｕ20」迎奧運，以前港姐冠軍陳庭欣為首，與節目《超強選擇1分鐘》熱爆的咪神齊齊特訓，成為全能的奧運Angel。有料之人張秀文於《超》中憑逼爆巨乳水着玩遊戲「凸」圍而出，其後再有「36E超強導彈」陳婉衡（Alycia）後來居上，雙雙成為無綫新一代咪神。

哥哥出口護駕

齊齊熱爆宅男界的張秀文及Alycia人氣和身價急升！據知現在Alycia單是行泳衣騷的騷價至少四萬元，可謂有價有市！人氣急升的Alycia，日前被拍得於淺水灣大解放，以三點式上陣與男友人大歎日光浴。身材火辣的她更於沙灘玩瑜伽拉筋，大晒36E超強導彈。

不介意性感的陳婉衡人氣與身價齊齊急升。	陳婉衡濕身拋波，與陽光玩遊戲。	身材火辣的陳婉衡吸引途人舉機影相。

期間Alycia惹來不少男泳客「超強吸睛分分鐘」，不斷行注目禮兼舉機狂影，幸得男友人出口護駕：「唔好意思，唔好影喇。」該男友人猶如G4上身，無論曬太陽或落水打波都寸步不離跟到實。

陳婉衡與哥哥感情要好，不停玩自拍。

陳婉衡與林盛斌合作《超強選擇１分鐘》而人氣急升。

Alycia昨日接受本報電話訪問時指該男友人其實是哥哥：「其實嗰個係我阿哥嚟0架！因為本身我想要啲健康膚色，所以就拉埋佢一齊曬太陽，我哋由細到大感情都好好。（哥哥全程貼身保護你？）咁佢不嬲都好保護我、好錫我嘅，緊張我都係好正常。」

盼30歲前買樓

對於被指騷價急升，Alycia謙稱多謝大家捧場，承認騷價確實有升，並揚言希望30歲前做業主：「升咗啲啲啦，搵多咗錢係開心嘅，不過更開心嘅係多咗好多關於運動品牌嘅客戶搵我，因為我本身都好注重fitness（健身）呢方面。價錢呢方面都係公司幫我傾，其實多咗job做已經好開心，愈忙愈開心。我都會繼續努力，賺多啲，慳啲使，希望可以喺30歲前買到樓。」她透露稍後會到韓國為無綫拍旅遊節目。

文：專案組