Ana R.偕夫飛英 5位數為B女入貨

懷有6個半月B女o既Ana R.昨日為美國時裝品牌TSE行時裝騷，雖然佗着BB但她依然着3吋高跟鞋上陣，只見她步履輕盈，身形還很fit且沒有水腫情況，加上演繹鬆身服裝，驟眼看並不覺有半點孕味，她要刻意摸肚才看得清她的肚子。問到她可會感到疲倦或腰骨痛？她說：「除咗懷孕最初o既兩星期會覺得攰，我都冇任何唔舒服，連morning sickness都冇，如果唔係我個肚大咗，我都唔覺得自己係懷孕。」

問到為迎接BB可有甚麼準備？Ana說：「我今晚就會飛去英國，同老公返去探佢o既屋企人，要探吓佢(女麻女麻)，佢已經好老。同埋會順道去shopping買BB嘢。（預咗幾多錢買嘢？）5位數字，我老公對於有個囡囡覺得好興奮又好期待，佢會忍唔住買好多，我都會，見到啲BB得意嘢就會好想買。」果然是廿四孝媽咪。

為BB搬大屋

Ana又透露一個月前搬了去西貢居住：「因為想有大啲(口既)空間畀BB，同埋我又有三隻狗。（中國人話大肚唔好搬屋？）我都知中國傳統有啲忌諱係大肚唔做得o既，所以我冇掉嘢、剪嘢同縫紉，我都冇食芝麻，唔想BB第時有痘皮。其實係呢方面韓國同中國o既傳統好似，唯一同中國唔同o既係韓國孕婦會飲海帶湯，對孕婦好有營養，所以我媽咪都畀咗食譜我。」

文：名人組