謝賢摑曾江早有前科

藝人謝賢、胡楓、曾江及Joe Junior，在今晚播出的話題節目《4個小生去旅行》中，走訪俄羅斯著名城市聖彼德堡遊覽。事後在記招鬧翻的兩位小生，當時並肩坐在尼華河邊欣賞風景。謝賢更反問曾江：「邊個話我哋會打交？」一旁的工作人員即要求：「咁你錫佢一啖」謝賢一臉嫌棄拒絕：「唔錫，鞋烚烚！」

鬥嘴反被圍攻

4位小生在行程中不時鬥嘴，期間胡楓表示同行4人都為錫老婆之人。謝賢即反問：「我邊有老婆？」胡楓亦反擊謂：「你有老婆嗰陣唔錫咩？我知o架！」曾江更寸爆指：「錯呀，如果佢識得錫老婆，依家就有老婆啦。」遭圍攻的謝賢無奈表示：「你講咩呀？唔好講呢啲得唔得。」曾江無意再講，謝賢即搞鬼說：「你唔會怪我o架呵？打吓都唔會怪o架呵？」隨即給曾江一巴掌。後來曾江更取笑Joe說：「你咁鍾意老婆，可以搵多個！」謝賢笑指他「講衰嘢」，曾江即解釋：「你咁鍾意着衫，你都會買多件衫啦！」謝賢即笑指要向曾江太太焦姣打小報告。

謝賢被曾江寸唔識錫老婆，講中死穴，即嬲到手指指。	謝賢懶幽默地說：「打吓都唔會怪(口架)呵？」隨即給曾江一巴掌。	放大圖片

玩噴水飛行器

小生們更「大細路」地到遊樂場玩碰碰車、踩軋道車及射水扮救火。期間曾江以輪椅代步，謝賢主動替曾江抹去頭上汗水。Joe更在今集挑戰玩噴水飛行器，全副武裝上陣的他，因裝備太重未能順利上水，由救生員協助下脫困，有驚無險！挑戰失敗的他更驚呼：「頭先真係好驚o架！」

文：影視組