(5)林凱恩抽筋遇溺

12位應屆候選港姐昨日在太古出席《水上擂台》活動，一眾佳麗賽前熱身，其中(6)吳慧堯彎身拉筋熱身時走腩，(12)朱嘉莉則下體現形，甚為礙眼。吳慧堯一口氣以自由式完成比賽，以14秒94奪冠，亞軍及季軍分別為(11)楊苡汶及(4)龐卓欣。

以蛙式出戰的(5)林凱恩，游到一半突然舉手求救，狀甚辛苦，要由救生員救起，見她上水時左腳「趷吓趷吓」，又不停咳嗽，十分狼狽。事後她說：「中途左腳有啲抽筋，拉番直隻腳又OK，但掂唔到地時又抽筋，換唔切氣飲咗好多啖水。」更哽咽謂要其他佳麗為她擔心，感到不開心，並透露(9)郭嘉文及吳慧堯擔心得落淚。

兩名救生員將林凱恩救起。	上水後的林凱恩披着毛巾，樣子猶有餘悸。	林凱恩在水中掙扎，場面驚險。

吳慧堯封飛魚

(1)麥明詩、(2)馬詩晴及(8)程莉欣均未有落水，麥明詩謂因休息不足令她濕疹復發，擔心落水令情況更嚴重，談到狀態跌Watt，她說：「呢排瞓得少。（點樣提升？）化濃啲妝！呢幾日儲能量，等到決賽就爆發。」馬詩晴則不諳泳術，談到連熱身也「Hea」住做，她說：「要就住啲動作，怕走光。」程莉欣則透露排舞傷膝蓋而退出泳賽。

吳慧堯（中）游水奪冠，楊苡汶（右）和龐卓欣則奪亞季軍。	朱嘉莉現時積極收身迎決賽。	龐卓欣游蛙式，全程頭髮冇濕。

在比賽奪冠的吳慧堯被封「港姐女飛魚」，她透露以前是校隊成員，亦在班際接力賽中奪冠。貪靚的龐卓欣為保妝容，游水時全程未有濕頭，但亦奪季軍，她笑說：「自由式係快啲，但要有儀態，所以揀咗蛙式。」而郭嘉文及(10)陳靜儀以背泳出戰，全程「Hea」住游包尾。

吳慧堯凸腩熱身。

吳慧堯

羅丹虹體重回升

此外，(3)羅丹虹近日被《好報》踢爆暴瘦疑患厭食症，她表示體重已回升到50公斤：「唔係厭食症，6、7月嗰陣為減肥，每日食一餐烚菜，照鏡瘦到見脊骨，意識減肥過度要停，當時最瘦得番47公斤，係人生最瘦紀錄。」

文：影視組