洪永城呷醋：冇同我講剝蝦

藝員洪永城昨日在將軍澳為早前到北韓拍攝的節目《在那遙遠的地方》宣傳，洪永城與緋聞女友唐詩詠戀情有漸漸浮面之勢，但唐詩詠近日卻被拍得與馬國明食飯，她還細心地為馬國明剝蝦殼，回應時更稱未揀定伴侶。

「佢手痕拉開窗簾」

洪永城昨日回應時滿有信心說：「係咩？佢親口講(口架)？報道啫，真實嘅嘢唔係表面睇到咁，好似北韓咁啦。（有講同馬國明食飯？）好似有，但冇同我講剝蝦囉。其實係我對蝦蟹敏感，佢手痕想剝啫。（會唔會呷醋？）唔會嘅，我個人比較大方，冇乜嘢，兄妹嚟啫。（會唔會罰唐詩詠佢幫你剝番啲嘢？）我身形又唔好，冇咩好剝。」

洪永城透露去了北韓八天，慶幸沒遇到驚險事。	唐詩詠與馬國明日前被影到共進晚餐。	唐詩詠

提到唐詩詠被拍得在洪永城屋企餵貓，洪永城說：「有冇搞錯影人屋企，遲啲會唔會出航拍，咁點算﹖究竟底線去到邊？我就一向拉埋窗簾，係佢手痕拉開咗。」

遊北韓戰戰兢兢

另外，洪永城去了北韓八日拍節目，慶幸沒驚險事情，惟在當地要規行矩步，起初也戰戰兢兢，他說：「當地說話要好謹慎，講姓金要尊敬同唔可以笑，幾日後先漸入佳境。」講到北韓美女，他笑說：「佢哋見到攝錄機都會避開，不過當地女仔幾標青，網上話南韓有全智賢，北韓就有全天然。」他又指傳聞北韓向國民稱奪得世界盃、漢堡包更是他們發明等，但與北韓人傾偈後才知根本沒這回事。講到收視可有信心勝過《4個小生去旅行》？他笑言：「監製叫我做啲誇張嘢，但我冇理佢。」提議洪永城不如求婚，他則笑而不語。

文：影視組