嘉玲甜蜜送錶偉仔戴住瞓

劉嘉玲昨日出席「I.T+0 IN MOTION」活動，其首個設計的手錶系列將放在品牌店內獨家發售，身為創作總監的嘉玲，為新系列自畫肖像，並刻於錶面。問嘉玲用了多少時間籌備？她謂：「隻錶好靚，好鍾意金色，籌備咗大半年，之前有同另一個品牌訂造自己手錶，覺得幾靚，於是將設計靈感再研發呢個系列。（銷量有幾多？）聽品牌講銷量好好，訂造咗500隻。」

商標代表不停步

嘉玲其後表示已預留一隻錶送給老公梁朝偉，並透露他對該錶愛不釋手：「佢好鍾意，（叫佢日日戴？）瞓覺都戴，因為夠輕。」她續說日後會考慮發展其他商品：「會分享自己鍾意嘅飾物，自己鍾意飲酒造酒，亦有服裝系列，女裝為主，（畀偉仔試先？）手錶會畀，其他唔會畀。（商標註冊咗？）註冊咗，品牌名係我個名嘅速寫，亦代表一路郁緊，你哋見我咁多年都冇停過，勞碌工作，有特別意思。（同其他品牌聯乘？）冇限定，如果有鍾意嘅品牌都想合作。」

穿露背裝的嘉玲與自畫肖像似錫錫，構圖得意。	嘉玲介紹自家品牌手錶。	劉嘉玲獲沈嘉偉撐場。

提到早前好友王菲被指再懷孕，嘉玲稱：「據我了解應該唔會，依家係歎世界嘅時候，又嚟？（同佢溝通過？）好耐之前問過話唔會，但唔係同呢個（謝霆鋒）喎。」

活動後劉嘉玲與公關好友往歎下午茶。

梁朝偉

唔敢再沾手股市

對於昨日股市大跌，嘉玲表示得過慘痛教訓後已沒買股票，活動後她就跟生意拍檔鄧霓儀及公關好友往餐廳歎下午茶。

文：名人組