恒指跌千點趙薇蒸發3.68億
環球股市骨牌式下跌，昨日恒生指數收市再跌過千點，中港股災再現！身為阿里影業（1060）第二大股東的內地女星趙薇與丈夫黃有龍，去年斥資30.88億港元入市共19.3億股，至四月減持至16.74億股，惟昨日阿里影業未能逆市上升，收市跌超過10%，由上星期五1.87港元跌至1.65港元，兩公婆身家帳面蒸發約3.68億港元。
而股民之一的章子怡與母親在股災中亦難逃一劫，二人持有萬達商業地產（3699）1,800萬股股份，該股票昨日收市價比上星期五下跌17%，身家一日之間蒸發1.58億港元。而該股的前收市價甚至比去年12月二人增持股份至1800萬股時更低。
莊思敏 衰貪心蝕過百萬
而曾揚言買股票勁賺6位數的藝人莊思敏，坦言今次無眼睇：「呢排好多不利環境因素，人民幣又跌，我依家係好大隻蟹，蝕咗過百萬！要節衣縮食，嚟緊開季都唔買衫。」問到會否趁低吸納，她謂：「我就唔敢，未有信心依家係最低位。」她又自責衰貪心，早前有賺無放，幸好不是應急錢。
而以為兩星期前是股市低位，重新上「彈」的藝人薛家燕，於昨日股災中損手爛腳：「閒閒地都有幾十萬，本身仲話想入，但助手話都係再睇定啲先，因為全世界都跌緊。唔緊要啦，擺喺度等一年，好在我唔等錢使，如果唔係蝕都要讓。（擔心未來會再跌？）可能會(o架)，因為內地經濟唔好，香港都係！」
Jeana 勸勿危企請食飯
見好就收的藝人何佩瑜（Jeana），她自言在無綫重播《大時代》時已散貨並冇再入市：「都知道依家股市動盪，今朝仲聽到好多人話去IFC排隊跳落嚟，千祈唔好，最多我請大家食飯！」
文：專案組