藝人謝婷婷、郭偉亮（Eric）前晚為電影《有客到》優先場謝票。戲中演先人化妝師的婷婷，坦言只看了半套作品已驚足幾日：「我真係好細膽，唔只鬼，追殺嗰啲睇完都唔係幾舒服。」提到最近爸爸謝賢拒受訪，婷婷謂：「你哋問啲問題都答唔到嘅，你知佢哋啦。（佢仲嬲緊曾江？）我冇問喎。」至於哥哥謝霆鋒最近亦拒回應王菲被傳有孕，她謂：「你哋傳埋啲嘢人哋都答唔到嘅！你哋問王菲啦！」而身為霆鋒好友的Eric就坦言已好耐冇見對方：「我都好耐冇打機，唔知佢仲有冇打。」
