貴為2014年DMM Adult Award金獎得主，現SOD旗下美少女片商「Prestige」御用一姐，更砌低「波哋王」京香Julia成為「MEN'S MAX」新一代代言人，彩美旬果呢個大名睇怕無巴打不識！識又如何，假如日前你冇無親身參加佢首次嘅「彩美旬果抱抱攝影會」，肯定你會後悔，好在有《男極圈》，就算你撲唔到飛，都可以睇番報道！
有錢唔係大晒，你肯畀都要同人鬥快搶先得，講緊係當今日本一線AV女優彩美旬果襲港，三日兩夜行程忙到連魚蛋都冇時間篤，已急急腳轉飛台灣喇！想一睹阿妹對無敵D奶，主辦單位話下年請早喎！本地情趣用品店18DSC同日本成人玩具品牌MEN'S MAX搞個香港握手會及抱抱攝影會，細佬第一時間致電查詢，先發現報名人數超額十倍有多，再望望票價，普通門票要收800港紙，假如要攬一攬仲要998。嘩！成千蚊個頭都爆棚，當日下午4至8點共兩場攝影會，一場平均30人，兩場落樓咪接近6萬，不過搞手負責人Tracy就話請日本女優來港勁貴，抱住純粹宣傳目的，無錢落袋仲要嘔突咁話！明嘅，一個女優來港，但現場所見經理人、助手、化妝再加翻譯，六、七個人無走雞，亦因為乜都有經理人隔住，想埋身，除非你「葉問」上身啦！
坦白講，每次女優來港總係巴巴閉，有如巨星出巡，未化妝唔准影，化妝加換衫閒閒哋一粒鐘，仲要專人看守門口，想偷拍都無可能。而當日官方話喺4點正式「開波」，細佬以為3點到包冇衰，點知上到荃灣Studio大門，原來入面已坐爆「龍友」，個個「長短火」霸住靚位等開波，但等到4點半依然未見旬果現身，奇怪係龍友完全冇鼓譟，反而攞出旬果嘅珍藏互相交流，所以幾時都話只要有女優，世界就有和諧呀！
主辦單位就出嚟解畫，話彩美旬果班機Delay，呼籲龍友耐心等候，一直等到5點15分，女神終現身，嘩！鏡頭前有前有後又Cutie，真身原來仲正，一個腰果眼笑容加個90度「Sumimasen」（對不起），所有男人即時冧晒啦！
化妝換埋衫搞完大龍鳳，出場差唔多6點正，龍友一字排開準備「駁火」，雖然等到火都嚟，但彩美旬果嘅架生同自動波甫士將在場龍友融化，大會表示當日佢會換兩套比堅尼，第一套係上下金色，夠Sharp醒之餘更將阿妹對D奶推上高峰，連有份幫旬果換衫嘅Tracy都對記者話，旬果對嘢超堅，差啲逼爆件比堅尼呀。
而「壓軸」嗰套更係阿妹年初推出「個人J杯」封面嗰件桃紅色花款，有眼利龍友認出，第一時間攞出全新J杯要求合照，旬果當然無托手(月爭)啦。無奈15分鐘喪拍話咁快就過，話口未完就進入握手會及抱抱攝影會，事前雖然講好「眼看手勿動」，但現場所見，旬果嘅熱情基本上唔使巴打郁都「水已抽」，巨乳壓背係指定動作，攬頭攬頸，捉實龍友雙手合照都無所謂，呢一千蚊你夠膽話唔抵畀？
彩美旬果親筆簽名嘅iPhone 6 Plus係咪好想要呢？恨吓好喇，因為全香港只得戴眼鏡嘅參加者Anthony先有咋！唔認係旬果粉絲但又話儲齊佢所有AV嘅Anthony當日早就到場霸位，期間更攞出新買嘅金色手機畀阿妹大筆一揮，勁豪呀！事後接受訪問時，佢話原本準備咗寫真集、DVD同電話三樣齊簽，不過女優經理人話只可以簽一樣，惟有揀樣最有價值嘅簽，呢部土豪金街價賣緊$8,088，加埋旬果簽名你估值幾多呢？
撰文：祖