鄧鉅明引以為傲撐港產陀飛輪

「港產陀飛輪」萬希泉創辦人沈墨寧及兒子沈慧林（William），昨日舉辦全港首個陀飛輪研發室成立活動。而太子珠寶鐘錶集團主席鄧鉅明及太太鄧宣宏雁、音樂人雷頌德等亦有到場支持。鄧鉅明更大讚品牌是香港人的驕傲：「我成日去瑞士睇製錶，呢度有晒外地有嘅嘢，令人對香港鐘錶界更有信心。」

海上偷閒玩足18日

鄧鉅明又透露剛與家人花了18日參與郵輪假期，遊歷英倫三島：「幾好玩，依家叉完電要返工。」在旁的太太即大爆此乃鄧鉅明人生中第一個長假。鄧鉅明續說：「我太太成日叫我休息吓，唔好咁緊張。喺船上收唔到電話，可以逼自己休息，偷得浮生18日！」

沈墨寧與兒子沈慧林在港開設陀飛輪研發室。

雷頌德將與品牌合作推出酒桶形腕錶。

投資百萬鑽研錶術

而沈墨寧則透露投資數百萬元於研發室上，雖然在港設廠房令製錶成本提高，但為培育人才，物有所值。而William更即場展示品牌第一隻在港研發及製造的陀飛輪腕錶：「喺12點位置係渾天儀，6點位置係地球，中西合璧。」而同場的雷頌德，則將於9月與品牌合作推出酒桶形腕錶。

文：名人組