范文雅搏命Angel險遭鱷噬

范文雅入行僅兩年多，既是碩士畢業又是墨爾本華裔小姐冠軍的她，絕對是美貌與智慧並重，除當主持及客串拍劇，Aliya更獲欽點成為奧運Angel之一。

拍劇前練反白眼

早前Aliya在旅遊節目《3日2夜》三點式上陣而引來網民熱烈討論，她笑言不介意大家放錯焦點：「我係好健康咁去游水，冇特登騷身材，係健康嘅性感，落水玩着三點式好正常啫。」獲網民讚好身材的她表示不介意性感演出，不過就拒絕全裸。

主持旅遊節目令范文雅增廣見聞。

范文雅（前）於2012年參選國際中華小姐競選。

Aliya有份客串劇集《潮流教主》，她坦言拍劇甚具挑戰性：「我個角色成日都要扮好嬲，但我平時唔會咁對人，所以事前要喺屋企練定點反白眼。」

做旅遊節目獲益

拍完《3日2夜》，Aliya覺得當旅遊節目主持雖辛苦，不過視野擴闊了不少，她又大爆拍攝時差點被鱷魚咬甩手指： 「其中一集我要喺個籠入面潛水，籠外面就有條鱷魚游嚟游去，同我距離勁近，因為籠入面太跣，我啲手指伸晒出外面，好彩鱷魚反應慢冇見到，唔係就畀佢咬甩晒啲手指！」

文：專案組

攝：李廣成

服裝：Hoss Intropia

髮型：Terrence Chan@hair

場地：Topiary