鄧欣寧遇變態私影被要求送指甲口水

外號「巴喇莎」的模特兒鄧欣寧當初在朋友慫恿下參加模特兒比賽而入行，她表示入行初期曾接過私影工作，並收到很多變態要求：「有啲可能會要求影啲口水，又要你送啲指甲畀佢，嗰啲我一定唔會接觸，實在太恐怖！」

保留樣貌獨特性

Stephanie又謂平日在街頭做宣傳時遇過很多宅男和龍友搭訕，其中一位令她印象深刻：「佢表演欲好強，會寫信畀我，好似寫日記咁，每次見我都會寫最近買咗啲咩遊戲機。」

問Stephanie可有絕招令自己在模界突圍？她坦言堅拒整容，保留獨特性：「唔會整到1號眼、2號鼻、3號嘴，等大家認得我。」

希望增肥添美感

近年醫學美容風氣強盛，Stephanie指有時會看不過眼：「有啲唔靚嘅女仔都可以變得好靚，我唔係自誇好靚，但本身OK靚嘅女仔機會就會少咗。」

鄧欣寧嫌自己面部太瘦，希望可增肥。

在街頭做宣傳工作時，鄧欣寧遇過不少宅男搭訕。

不過，Stephanie強調不反對整容：「如果好有需要，或者整完真係會好有自信嘅，我唔反對，但我就唔想整到同大家一樣樣。」問是否對自己的外觀感滿意？她說希望增肥：「唔係炫耀，但我塊面太瘦喇，有時睇落去會好似好冇精神，個樣好惡。身形都希望肥番啲、豐滿啲，因為依家唔興骨感美。」

文：音樂組

攝：倪立煌

化妝：劉慧恩