田蕊妮嫌棄蕭正楠 當眾求脫
田蕊妮及蕭正楠等前晚為新劇開工，阿田嫌棄蕭正楠穿黑襪仔示人，要求他即場除襪！她又表示將到沖繩等地拍攝，蕭正楠則透露與陳凱琳有床戲，笑言不用與女友黃翠如備案，阿田曾問及翠如會否同行赴日本，蕭正楠則表示女友同行會多留幾日度假。
視后田蕊妮、蕭正楠（Edwin）、阮兆祥、劉思希及張美妮等前晚現身九龍灣，為新劇《巨輪II》拍攝「羅信記17周年」員工聚餐場面，記者要求阿田與Edwin兩位主角合照，但阿田見拍檔着「黑襪仔」即笑稱「唔襯我」，要求對方即場除襪，一旁的Edwin無奈遵從，場面搞笑！
阿田透露將赴澳門、日本沖繩等地取景，談到當地天氣將會轉冷，阿田笑言擔心有裸露戲的陳凱琳（Grace）會冷親，她說：「佢嘅戲服好薄，又短褲又背心，我叫佢黐多啲暖包，仲要咁瘦冇乜脂肪咁。（畀佢搶晒鏡？）我都唔係靠身體，你真係想睇我Body？」
唯美親熱唔備案
Edwin則透露與Grace有親熱戲，他說：「都有床上戲，導演想拍得仔細啲，畀多啲美感大家睇，但唔係sell好情慾嗰種，希望拍出嚟靚，呢幾日都有睇西片，睇咗靚嘅男女主角kiss鏡頭。」問到有否向Grace男友鄭嘉穎備案？他笑說：「唔使啦，拍戲大家都明。（同女友試戲？）咁激情？畀佢睇吓劇本先，睇佢肯唔肯試啦！」他又表示有意拍完劇留在日本度假：「有諗過Stay behind，我媽咪都想去日本，阿田都有問翠如去唔去，佢去就留耐啲。（女友融入蕭家？）佢哋都好Friend，媽咪都有煲湯水、潮州鹹雞畀佢食，佢都肥咗五、六磅，希望佢健健康康啦，唔一定要肥嘅。」
破收視盼贏身家
提到主演的劇集《鬼同你OT》成功打破《武則天》收視，阿田笑謂：「但我身家勁唔過范冰冰，我應該向呢方面努力先得！（胡定欣同你爭『最佳女主角』？）梗係好啦，開心啲嘛。（有信心再奪視后？）依家先8月中，等我返去再諗吓，我仲未開始諗。」
文：影視組