謝賢探曾江玩嘢兩鞠躬

藝人謝賢、曾江、胡楓和Joe Junior主持的無綫節目《4個小生去旅行》今晚播出第五集。四人參與了叢林越野四驅車在草叢及泥濘間飛馳。飇車後曾江竟要求謝賢為他洗淨一對沾滿泥濘的腳，並說：「你今世人做一次耶穌得唔得？耶穌幫人洗腳(o架)。」沒料謝賢爽快答應並即拿起蒸餾水為曾江洗腳，胡楓亦請纓為曾江捽腳，令曾江表現得不好意思。

慰問抱抱狀甚老友

節目中曾江因身體不適留在酒店，謝賢前往探病並抵死說：「佢唔喺度咁點算？」胡楓則說：「咩唔喺度？你講清楚啲好。」謝賢笑說：「我意思係佢出咗去。」最終謝賢向臥床的曾江慰問及抱抱，自言流鼻血不止的曾江即說：「Thanks，如果我支持唔到就會離開。」謝賢則說：「No more thanks，我哋唔照顧你，邊個照顧你？」狀甚老友。謝賢離開時搞笑地向曾江鞠躬，曾江說：「你同我三鞠躬呀？」謝賢笑說：「我鞠咗兩個躬咋！」《4》第三集收視平均亦有25點，十集中他們有參與過玩老虎、蒙臉賽車、玩垂直風洞、跳俄羅斯舞等。

謝賢慰問臥床的曾江，最後兩人更一度抱抱。	曾江叫謝賢做耶穌為他洗腳，謝賢十分爽快答應。	胡楓認真唔話得，落力為曾江洗腳兼捽腳。

邵音音撐四哥夠真

另外，藝人邵音音前晚出席首映時，指謝賢說話一向好真，並表示：「曾江同邊個合作都有咁嘅事(o架)啦，四哥冇錯呀！如果要撐嘅就撐謝賢，謝賢份人唔會積怨，曾江份人做番佢自己要做嘅嘢啫，四位都係我尊敬嘅人。」

文：影視組