麥明詩龐卓欣搶入三甲

無綫節目《2015香港小姐競選決賽》將於下周日（30日）舉行，12名候選佳麗昨日出席「TVB Fun投票」記者會，由本周六（22日）至決賽晚，市民可與星級評判團、港姐評委會，透過「TVB Fun」App投票選出最後四強佳麗，而冠、亞、季軍將百分百由觀眾投選出來，參與投票的觀眾更有機會抽中，價值港幣50萬元的名貴房車。

比賽進入最後階段，「十優狀元」(1)麥明詩（Louisa）、「寸嘴Ada」(4)龐卓欣（Ada）及(12)朱嘉莉（Sunshine）均表示有信心入三甲，Louisa稱在社交網呼籲親友下載App投票：「多謝傳媒、網民一路嘅支持同畀好多鼓勵我，開始進入尾聲階段，壓力一定會有，自己盡量唔諗太多。（邊個係勁敵？）冇諗，因為估唔到，選美係同自己比較，係（考驗）自己嘅耐力、毅力。」問會否想跟舊同學Ada入三甲？Louisa說：「想，但個個都想，呢個係殘酷嘅事實，最後得三個攞獎，但都要接受。」

12位候選港姐呼籲市民投票，爭取贏取名車機會。

（左起）麥明詩、龐卓欣及朱嘉莉狀態愈戰愈勇。

聯手搞網上飲食騷

大方認與男友Solomon拍拖的Ada，直言對方會幫自己向同事拉票，並謂：「希望做到最好，贏唔贏都唔係問題，贏到就係bonus，依家學到好多嘢，識到好多好朋友。」她又笑稱考慮跟Louisa於社交網開拍飲食節目，指兩人性格搞笑、啱key又為食。問到共同朋友投票給誰？Ada說：「有朋友話會投我一票，我問Louisa呢？依家可以投兩票就啱晒佢哋。（投票機制有分冠、亞、季喎！）咁呢個畀佢哋決定，我冇乜所謂。」

朱嘉莉減磅縮胸

初選達120多磅的Sunshine清減不少，她稱目前保持食得健康、多飲水，至今已減去十多磅。是否穿泳衣也信心大增？她說：「係！依家練緊線條，出嚟睇落靚啲、實啲。（上圍縮水？）一齊瘦囉。（要買新衫？）唔使，戴嘅一樣，依家興着鬆身衫。（Bra喎？）咁又冇。」

文：影視組