周振基：師傅師母鵲橋相會
林家聲徒弟周振基於大殮儀式上致悼念詞，並以「一代宗師」形容師傅林家聲。周振基稱林家聲離世當晚，他接到電話指師傅冇知覺：「我趕到佢家時，見師傅搶救中，佢望住我講唔到嘢好似想道別，跟住我見黑蝴蝶喺我眼前飛過，師傅曾經同我講，同師母係蝴蝶命，並指平淡是福，所以今日一切從簡。」
周振基表示會將師傅有教無類精神承傳下去，又謂曾經問師傅有甚麼角色想做？師傅表示想演奸角，可惜冇人請！適逢昨天是七夕，他希望聲哥和豆姐（老婆紅豆子）可在鵲橋相會。最後，周振基向師傅說：「聲哥永別！我會努力處理你嘅抱負同任務，承傳下去，希望你同豆姐喺另一世界開心生活！」