鍾嘉欣不再逃避七夕爆分訊

藝人鍾嘉欣及伍允龍(Philip)傳出情變,繼男方日前開腔表示與嘉欣已沒聯絡後,嘉欣昨日拍劇時提及戀情向Philip送上苦澀祝福:「好少聯絡,但我祝福佢開心同順利。」變相於七夕情人節爆「分訊」,直認八年戀此情不再!

無綫花旦鍾嘉欣與武打男星伍允龍的戀情講足八年,二人作風極為低調,一直避談情事,亦僅僅試過現身於Philip主演的電影首映及嘉欣的生日會,洩「蜜」晒愛。

發呆強顏歡笑

日前Philip拍劇時被追問戀情,他終於「鬆口」表示與嘉欣已有一段時間冇聯絡,甚至幾番稱呼嘉欣BB為普通朋友,感情生變一事更是有迹可尋。至昨日適逢七夕情人節,在這個愛侶紛紛放「閃光彈」晒恩愛的日子中,嘉欣卻選擇在工作中過節,更開腔直認與Philip好少聯絡及祝福他,變相進一步確認分手一說!

強顏歡笑的嘉欣與拍檔黃宗澤(Bosco)昨日在烏溪沙石灘拍攝新劇《警犬巴打》,不用埋位時嘉欣BB靜坐一邊發呆,表現似為情所傷。其後她接受訪問被問及Philip直認與她「零聯絡」一事,面露苦笑的嘉欣亦不再迴避承認與Philip的確好少聯絡:「佢(首次拍劇)冇向我偷師,我都相信佢自己應付到。(文戲都冇問你意見?)冇,以前都有傾過,但依家冇喇!(你哋冇聯絡?)好少。(點解?)呢個問題好難答。」

強調未有交惡

記者指二人表現疏離,令人聯想情變,嘉欣急忙表示與Philip仍屬朋友,更不承認被他「降呢」:「我哋仍然係好朋友。(佢將你由好朋友改口降級為朋友?)無論好朋友定朋友,都係朋友,大家唔使太敏感。」問及他倆是否正式結束關係?嘉欣表情苦澀的出言祝福對方說:「我一直冇特別講自己嘅私人關係,因為想保持低調,但我祝福佢喺新劇會拍得開心同順利。」擺明情已逝!既然此情不再,日後工作上如在電視城碰頭會否尷尬?嘉欣又堅稱他們關係未有交惡:「唔會尷尬,我哋關係良好。(良好到會繼續搵對方?)我諗好少。」

同場的Bosco出動狗狗及以公主抱攻勢,逗得悶悶不樂的嘉欣暫時開心大笑。問Bosco有否留意情變的嘉欣表現有異樣?他力撐嘉欣表現專業:「佢冇乜嘢喎!呢套係喜劇,佢成日都笑。」雖然驚爆分手,嘉欣卻努力掩飾哀傷,面對鏡頭時展現歡顏,專業演出未受影響。

文:影視組

第一手消息請下載on.cc東網iPhone/iPad/Android Apps