張繼聰劇接劇 貪得無厭
藝人張繼聰昨日以一身醒神的粉紅色西裝為新代言的「維特健靈知音蟲草」拍攝廣告，身為稱職代言人的他表示吃了產品幾個月覺得效果顯着：「佢對肝、肺、腎都好補，所以合作對身心靈都好大得着，而且拍劇成日要捱夜，但食咗佢都精神咗。」他亦表示爸媽都有吃此產品，笑言媽媽食完後中氣十足，吩咐他做事時都特別大聲。
講到老婆謝安琪（Kay）曾爆肺，他坦言亦有介紹Kay食產品進補，問到Kay吃完後罵他可同樣中氣十足？他即甜到漏表示：「佢唔鬧我，好溫柔，但我都會建議佢食多啲，做呢行要保養身體。」他亦笑言今次合作酬勞很好。
唔信腰斬 撐收視好
至於有指若《愛‧回家2》收視下滑，對此有份主演的阿聰表示不停有這些傳言出現，自己沒有特地去考證：「不過我聽講收視都幾好，有21、22點都係平均，不過都要多啲時間畀觀眾適應，始終佢哋對馬家有感情。同埋做演員冇得擔心收視，受唔受歡迎要視乎好多因素。」他亦坦承與黃翠如只是客串拍攝劇集兩個月：「因為我下個月要去內地拍電影，一早就知個期係咁，TVB都好配合，我啲戲份上星期已經拍完，係計劃之內，劇情亦會講我同翠如經歷一件事後會離開香港。不過我都當今次拍劇係賺咗，唔會有壓力或擔子。」阿聰又不忘為將於九月播出的新劇《收規華》宣傳，問到出現頻密不怕觀眾睇厭？他則謂不怕，因為在《收》中他飾演貪污警察，跟《愛》角色截然不同。
文：音樂組