江若琳忌水怕黑 延期考牌
藝人江若琳（Elanne）忌水，卻為了挑戰自己而學潛水，一個月前還成功考獲初級潛水牌，只欠夜潛就考到高級潛水牌。原來Elanne既怕水亦怕黑，加上現時正值農曆7月，又稱鬼月，信邪的Elanne都話怕怕，寧可信其有，跟教練說過了這個月才落水考牌。
藝人江若琳昨午出海潛水，預告將擔任活動的海洋大使，身穿潛水衣的Elanne坦言考了初級潛水牌一個月：「我想考上去，考個高級潛水牌，同埋我想考個急救潛水牌。其實我個高級潛水牌只係差夜潛，因為我怕黑，同埋依家農曆7月，都驚，我都信邪，所以同教練講過咗呢個月先考。」
Elanne還揚言想考埋教練牌，她說：「之前我諗我呢世都唔會考到，因為我好怕水o架。今年我set個目標畀自己，學自己驚嘅嘢，我都有學騎馬。（有冇試過受傷？）冇試過受傷，但就試過飲海水，頭先都飲咗幾斤鹹水，正式又鹹又濕。」問到學潛水時有否見到大隻靚仔或教練？Elanne坦言：「其實每一個玩潛水嘅都好健康，黑黑實實。如果遇到志向一樣都幾好，依家專注潛水，學叻啲先，依家睇唔到其他人。」
感觸生命無常
剛從內地回來的Elanne下個月又要到內地拍戲，提到早前天津發生爆炸，Elanne直言：「幾唔開心，我o岩o岩喺天津拍完劇，同埋睇到泰國單新聞，真係覺得生命無常，想做咩就要早做。」
文：名人組