張紋嘉激咀楊潮凱半粒鐘
歌手張紋嘉（Crystal）新歌《最佳男主角》MV昨日首播，她到電台宣傳時透露在MV中，與好友楊潮凱有激吻情節而感到非常尷尬，因二人是認識多年好朋友。由於要拍攝多角度的激咀鏡頭，她說咀足半小時：「唔算NG咗好多次，但錫咗好耐，搞咗成半粒鐘，大家個情緒都好好。（佢好唔好咀？）唔好評論啦，話晒佢都係人夫，驚人哋太太唔鍾意。」
不過Crystal自爆年初開始內分泌失調，令皮膚變差：「成個人口腫面腫，中、西醫都睇，嗰排真係唔敢出街見人。」她指今年剛步入三十歲關口，自責在各方面仍未能做足滿分，最終令到壓力爆煲。
