雨僑MV寸爆戴夢夢
歌手雨僑新歌MV《行為偽術》無懼得罪藝人，寸盡娛樂圈八卦新聞，當中一幕女生剝裙情節疑似影射戴夢夢街頭四度剝裙！雨僑亦不怕引發大眾聯想：「大家覺得係咩新聞，就係大家嘅想像。」
歌手雨僑早前為新歌《行為偽術》拍攝MV，之前有指她和鄭欣宜爭寵，被欣宜分薄資源，不過今次MV落足本錢，豪花六位數字製作，除了為雨僑度身訂造晚裝，又獲贊助商提供過百萬鑽飾！雨僑感謝老闆蕭定一的支持，指老闆對每個藝人一視同仁，猶如大家庭，對傳聞亦一笑置之。
新歌是講述一對好知己無所不談，然而雨僑發現對方一直戴着面具講大話並玩行為「偽」術，為配合主題，雨僑分別以素顏配tube top、濃妝配高貴露事業線晚裝兩款造型營造不同的感覺。導演更寸盡娛樂圈新聞，MV中影射三段具話題性的情節，其中一個情節是情侶吵架後女方突然當街除裙，嚇得男方立即幫她抽裙，情景與當日戴夢夢當街向太極樂隊鼓手男友朱翰博四度除裙洩憤有異曲同工之妙！
寸吳若希「攝石人」
另一情節則講述西裝大叔本有少女相伴，豈料少女轉身便攬仔咀嘴，令大叔當場落淚。最後一段畫面則是雨僑與一男一女合照，突有一女子做「攝石人」合照，疑似影射吳若希在《勁歌頒獎禮》猶如「攝石人」，與作狀咀鄭裕玲的容祖兒和張敬軒合照顯得格格不入！三段畫面都似曾相識，雨僑不怕外界胡亂猜想：「我哋都搵咗唔同年紀、性格同特徵嘅演員去做，係有cover一啲大家打開報紙，見到嘅各類熱門新聞畫面，大家覺得係咩新聞，就係大家嘅想像。」
文：音樂組