王麗嘉信心爆棚 透視贏晒
型佬王敏德與名模馬詩慧的二女王麗嘉擁有34D魔鬼身材，並銳意進軍模界，前晚麗嘉隨母親出席活動時，身穿透視上衣透黑bra大晒body。早前麗嘉接受《好報》訪問時揚言有意「縮胸」，昨日在街頭表演的父親王敏德對此就似乎不太贊成，並大讚女兒現時身材已經perfect。
名模馬詩慧（Janet）前晚與三名子女，大女王曼喜、二女王麗嘉及孻仔王躍穎出席芭蕾舞匯演，同場還有鍾鎮濤太太范姜與女兒鍾幗、前藝人楊張新悅與丈夫楊哲安等。擁有34D豐滿上圍、之前揚言想縮胸的麗嘉前晚打扮性感十足，身穿透視上衣，其黑Bra若隱若現，搶盡風頭。
問到麗嘉是否已開始接模特兒工作﹖Janet透露：「之前幫家姐嘅online shop影相。（係咪真係縮胸？）到時想做先算，唔使成日講嘅。」至於兒子身高亦不遑多讓，問她會否讓對方在模界發展？Janet笑言：「男model邊有得發展，女model都已經難啦。（覺得自己仔女有冇得同其他星二代比？）人比人比死人，每個人特質唔同，工作性質又唔同。」
王敏德積極練琴
另外，王敏德於昨日與歌手蔣志光突襲旺角街頭表演，吸引近百人圍觀，場面一度混亂。提到《好報》踢爆愛女麗嘉計劃「縮胸」闖模界，似乎該決定仍未過爸爸一關，王敏德聞言反應頗大說：「縮胸？唔會嘅，依家美國出名嘅模特兒都同身材冇關係。我覺得佢身材係perfect，佢太瘦都唔好，佢嘅女人味可以令到形象更加突出，我好proud of佢，依家好多人搵佢。」
王敏德又透露最近為音樂會積極練琴，希望在台上自彈自唱：「之前見到張學友、譚詠麟喺騷度自彈自唱覺得好浪漫，好有男人味。」他又自爆在家中練習時，老婆Janet亦有給予意見。
文：名人組