阿叻被噓「屎波」：公道自在人心

藝人陳百祥、李克勤、謝天華和梁烈唯等，昨日代表晨曦足球隊在旺角參加「胡國雄紀念賽」，以紀念早前因喉癌離世的足球名宿胡國雄。除代表晨曦出賽外，陳百祥亦代表胡國雄生前所屬的精工出賽，所以特別感觸：「自1986佢退咗落嚟，我接咗佢件衫，一接佢件衫嗰場就入咗波，亦都係一生人喺甲組裏面最有意義一球。」更指香港足球在亞洲的地位都是胡國雄一代的努力成果。談到他於賽事中未有入球進帳，他笑言「好少可」，更不介意有球迷對他大叫「屎波」：「見仁見智，冇所謂，紀念賽嚟，我好唔好波就公道自在人心！」講到著名評述員何鑑江在社交網站大呻自己「被出席」紀念賽，陳百祥就認為對方不會介意。何鑑江本人就指事件已過去，能夠出席已經非常開心。

被祖兒笑舞壇奇葩

而李克勤本身就只打算露面影合照，但最後波癮起踢了15分鐘才離開。談到胡國雄，本身是南華躉的克勤就指對方是唯一喜歡的精工球員：「我覺得好彩嘅係，我唔係一個球員，但係我同佢踢過波、猜個枚、飲過啤酒、食過花生。」而正與容祖兒為演唱會排舞的他就自稱舞壇奇葩，練足一星期仍被對方追過進度。問他有否被祖兒笑？他謂：「佢又冇喺我面前笑，但暗地裏有囉！」

阿叻被球迷大叫「屎波」，他即笑言賽事中「好少可」冇入球。

謝天華和梁烈唯昨日代表晨曦足球隊參加紀念賽。

天華自誇秘密武器

至於謝天華就笑言是晨曦的秘密武器，問他會入幾多球？他即謂：「可能受落雨影響啦，會冇乾地咁多，十球八球加埋啦！」問他踢波會否比以前更錫身？他指會全力以赴：「始終我都唔係打職業，你冇理由要我喺石屎地飛剷啩！（會唔會有火到要打架？）我冇打到，上次我係負責撲火嘅！」

文：影視組