高海寧隨時大昏迷

藝人高海寧（高Ling）及馬國明等昨日錄影無綫節目《活得健康嗎？》，高Ling自言記性愈來愈差，自嘲懷疑有少年癡呆症，經常忘記帶手機出街。她指除拍劇時日夜顛倒，平日生活健康又瞓得，最高紀錄瞓足22小時：「自己幾適合做呢行，隨時隨地都瞓得，有年拍劇又開賀歲片又接活動賺錢，捱完三日三夜就大昏迷，家人已經慣咗，唔會叫我起身。」
高海寧自嘲有少年癡呆症。
高海寧自嘲有少年癡呆症。

馬明則謂頸椎有點前傾，幸平時多做運動並無隱疾：「試過膝頭、膊頭甩骹，依家膊頭扭到去某個角度就冇力。（影響拍動作戲？）自己會就，用右手或者用身體就番，好在冇太大問題。」剛放完近兩個月假期的他，稍後會到內地、澳洲、新加坡、越南等登台賺外快。有否趁放假約女仔？他笑道：「暫時未，嚟緊睇吓有冇機會約女同事或女性朋友去街啦！」

（左起）江美儀、馬國明、鄭丹瑞、高海寧、洪天明分享健康心得。
  • （左起）江美儀、馬國明、鄭丹瑞、高海寧、洪天明分享健康心得。