鍾晴「超強」校花 C奶驅魔

Cara G.師妹、有「翻版薛凱琪」之稱的新進模特兒鍾晴，早前加入無綫節目《超強選擇1分鐘》的「超強助選團」，獲不少網民大讚身材好。

同張繼聰鬥戲

擁33C上圍兼23吋纖腰的Karlie，對自己的身材仍不太滿意：「對自己身材不嬲冇乜信心，但對於網民嘅厚愛，真係覺得好驚喜，好多謝佢哋留意我 。（最滿意邊個部位？）最滿意條腰，平日都會做瑜伽同健身，令身材更有比例。」

對於獲網民留意，鍾晴覺得很驚喜。	放大圖片	鍾晴希望大家多留意她的甜美及演技。

23歲的Karlie在16歲時透過參與校花選舉入行，前年成為全職模特兒，並有意向影視界發展，早前她就有機會在張家輝執導的電影《陀地驅魔人》中客串，更與張繼聰有對手戲：「張家輝喺現場好有耐性教我，好感激佢選擇我，我諗我優勝之處係唔怕醜。」

最愛祥仔阿田

另外，Karlie從小就愛看無綫劇，所以很渴望參與其中：「我最鍾意嘅演員係視帝黎耀祥同視后田蕊妮。」問會否介意性感演出？Karlie謂：「如果係角色同劇本需要就冇乜所謂，我平日出街都唔會着得好性感，今次着比堅尼影相已經係我底線。同埋我唔想只被標籤落性感度，大家不妨留意我嘅甜美同演技！」

鍾晴Profile

年齡：23歲

身高：1米63

三圍：33C、23、33

曾演出節目：《超強選擇1分鐘》

文：名人組

攝：劉斌

服裝：Roxy