李施嬅發惡 王浩信預告擘髀

李施嬅、王浩信和岑麗香等昨日宣傳無綫劇《樓奴》，提到劇集收視及口碑不俗，施嬅揚言如平均收視達27點，考慮以倒立飲汽水答謝觀眾。本來打算跟麥長青上身半裸游水的王浩信，卻笑言收視過30點就跟麥包擘一字馬食小籠包。

流失男粉絲

對於浩信的提議，施嬅謂：「都想睇佢着泳裝一字馬食小籠包。（你着三點式倒立？）我依家冇咗女神feel，呢個角色幫我洗晒，女神嗰啲留畀香香啦。」施嬅指首次演惡女，令她流失不少男粉絲，問有否嚇走男友？她稱：「冇，佢成日唔喺香港，冇機會睇，但睇咗都無妨，佢未見過我咁惡一面，可能驚咗，會對我好啲。」

王浩信與李施嬅玩遊戲時很投入。	李施嬅（左）帶了愛犬上台，岑麗香即與她傾狗經。	有份演《樓奴》的陳庭欣也很受歡迎。

香香亦被問會否着泳衣賀高收視，她笑道：「我寧願倒立飲汽水。（對身材冇信心？）唔係，只係唔想，大家開心食飯就好滿足。」自稱身形不及以前fit的香香，指早前拍新劇《實習天使》，由於近期天氣熱又多外景，有次幾乎中暑，同事也認為她清減不少。

準備再造人

浩信談到太太陳自瑤和三歲女兒也有追《樓奴》，他指太太笑點較高又經常笑錯位，相反囡囡睇一集笑十幾廿次：「見個女係真心爆笑，我都好開心，成功感好大，信心大增，令我想演多啲喜劇。」問會否再造人？浩信直言不抗拒：「太太都開始軟化、被打動，我哋都好歡迎，隨緣啦，都冇刻意防避。」

文：影視組