榮倉奈奈優雅閃爍

榮倉奈奈 高貴又端莊

佢着咗金色裙簡單高貴，身形唔算高，但佢可以着出嗰種端莊優雅感覺，袋同高跟鞋襯成一絕，加埋佢好clean同simple髮型，好啱呢個打扮。

福島莉拉 黑鞋太沉悶

佢打扮一般，花裙圖案好睇，不過佢襯黑鞋就略為悶咗啲，好在有藍色手袋襯番個感覺好啲。如果對黑鞋變成一對彩藍色，甚至係橙色鞋，會更trendy啲。

河北麻友子 青春娃娃裝

白、黑、紅配搭永遠最穩陣同襯得好好睇，白色娃娃衫夠青春時尚，好啱佢甜美靚樣，襯mini skirt同紅鞋，可以騷到長腿，手袋同妝容都match得好好。

山田優 笨重毛毛鞋

條tube dress幾啱佢身形，着咗好fit，比例身形好slim，但着對毛毛鞋就有上輕下重嘅feel，如果佢換elegant嘅高跟鞋效果會更加好。

中村Ann 瘦變肥出事

條裙着得佢肥，本身呢種裙形胸口有啲fur，加埋fur鞋就會好笨重，因為米白色會特別顯得大舊。我覺得佢外面加件褸會好啲，依家佢咁瘦都變肥咗，出事。

田丸麻紀 髮型太老土

打扮一般，平平穩穩，佢着到條裙冇乜時代感，可能髮型比較老土，梳番個貼服側邊界會更好。依家係個髮型累咗佢，變得斯文咗，讚嘅係個clutch bag，望落好cute。

郭慶彬 Profile

星級造型師郭慶彬（Ricky）的配搭功架深受女星讚賞，是型媽吳君如、「大美人」李嘉欣與「玉女掌門人」周慧敏等的御用造型師，在業界備受肯定。Ricky亦是一眾品牌之友，常被邀請出席米蘭與巴黎時裝周，還會為品牌充當講師，與VIP分享配搭之道。