蔡穎恩捐初戀戰衣出賣愛情運
藝人陳嘉寶（Anjaylia）與蔡穎恩（Evelyn）昨日出席義賣活動，Anjaylia捐出首次參與台慶時的服裝，至於被封為戀愛達人的Evelyn則割愛捐出第一次與男友約會的上衣，她揚言該衣服具有愛情魔力，能為購買者帶來愛情運。
陳嘉寶與好姊妹蔡穎恩昨日連趕兩場，先聯同女子組合Super Girls、廖子妤、方珈悠等現身慈善義賣活動，之後兩人又出席食店開幕。為了今次義賣，Anjaylia與Evelyn捐了不少衣物出來，部分更甚有紀念價值，Anjaylia連第一次在無綫台慶穿着的連身裙也忍痛割愛：「條裙喺外國買返嚟，有少少性感，咁大個女第一次去台慶就着咗，只着一次就冇再着，公司話我都唔會有機會再着啦，不如拎出嚟義賣，我仲好唔捨得，偷偷哋拎咗返屋企幾次。」
珍藏男友禮物
至於Evelyn就拿出第一次與男朋友約會的上衣作義賣，認真大犧牲，她自言該衣服具有戀愛魔力，希望單身女生買後會為她們帶來愛情運，Anjaylia聞言即指對方是戀愛達人，想不到也願意割愛。問到Evelyn的男友可會介意？她笑謂：「唔會，佢都唔知我有咩衫，你問佢我今日有咩唔同佢都唔會發現。不過，我會珍藏男友送嘅嘢，佢送畀我嘅嘢都唔捨得拎出嚟，但有時收收埋埋，自己都唔記得擺咗去邊。」
認係黐身女友
另外，Anjaylia好友陳凱琳（Grace）的男友鄭嘉穎昨日生日，問她會否為Grace度個驚喜派對給嘉穎？她十分識做地說：「唔會，留番畀人哋sweet，Grace好有心思，但佢依家都好忙。（你同男友都好sweet﹖）我自己一個人都好sweet，其實我鍾意黐住人。（你係黐身女友？）都幾，我以為自己好獨立，但其實都幾嚴重，不過我男朋友鍾意我黐身。」
文：名人組