鄭融低胸誘金融才俊埋身
鄭融、「新咪神」張秀文、藝人李佳芯、邵仲衡及歌手胡琳前晚出席金融活動，以低胸裝示人的鄭融刻意將長髮放前遮住胸部，大笑姑婆的她笑言要認識金融才俊，問到是否與外籍男友感情出現問題？鄭融說：「冇問題，仲好好。」隨即大讚男友：「佢咁好條件。」還識趣地表示可為剛生日的好姊妹薛凱琪物色金融才俊：「不過我唔知佢啱啲乜，佢好似乜都啱，我可以求其幫佢揀。」
張秀文唔啱冶艷
同樣穿上低胸連身裙的張秀文被問到為何不谷胸？她尷尬傻笑說：「驚谷完條裙跣落嚟，依家若隱若現幾好。」問到會否接內衣騷？張秀文說：「嘩，要睇款式，形象啱都可以，因為我個樣唔太啱冶艷，驚handle唔到。（三點式泳衣？）喺底線，有啲好細塊布驚carry唔到，身形仲欠少少。」
邵仲衡拍大陸劇
而邵仲衡透露稍後會為nowTV的免費台節目拍攝劇集，並表示現時會揀自己喜歡的工作做，對於內地真人騷價超高，他說：「香港都有真人騷，使乜返大陸？不過嚟緊我都幫內地一個平台拍劇集，總之講坦白說話，講真話，唔好得罪人，努力係work。」
文：音樂組