黃智雯你瞞我瞞 喪咀錢嘉樂

藝人錢嘉樂「玩正經」演出無綫新劇《拆局專家》，首集即chok爆與「女友」黃智雯齊齊出浴與喪咀，想不到成為網民熱話。二人昨日聯袂其他拍檔朱千雪、朱晨麗及洪天明等現身宣傳活動，台上台下不忘為事件「解畫」，嘉樂笑謂：「聽講都有26、7點收視。嗰part係煞科前一、二日先拍，我同黃智雯培養出默契，仲對咗幾次戲先埋位。啲人話我chok，仲chok過三哥（苗僑偉）同四哥（謝賢），我仲唔係五哥！（盈盈冇詐型？）冇喎，佢都係演員，大家明白嘞。（預告嚟緊會更激？）咁激都唔夠？」黃智雯則多謝拍攝時嘉樂為自己「遮穿崩位」，當問到男友有否不滿，她笑謂：「我諗佢唔知我拍，出街後亦都冇睇過。」

洪天明為太太護航

錢嘉樂太太湯盈盈於活動尾聲時帶囡囡凱晴現身探班，洪天明恨女恨到出面，捉着凱晴玩耍。問天明會否「追女」，早前表示「兩個夠晒數」的他說：「暫時唔會，唔想淨係搵錢養家，錯過咗小朋友嘅成長。依家真係唔夠時間，大仔啱啱返學，我每朝要06起身陪佢上校車，好彩佢唔係太扭計，我每日得幾粒鐘瞓。」談到太太周家蔚舊愛林建億再被影到「攬女」，天明即謂：「每個人都可以有自己嘅生活，我諗我太太唔想再拉埋佢一齊講。太太都生兩個，件事（拍拖）又隔咗咁耐，如果大家想佢開心都係唔好再拎嚟講嘞。」玩遊戲時，天明搞笑觸摸赤膊上身的魏焌皓乳頭，令全場嘩然。

湯盈盈帶埋囡囡探錢嘉樂班。	黃智雯和錢嘉樂在劇中有火辣出浴咀戲。	朱千雪（左）和朱晨麗落力宣傳。

朱千雪擇偶愛書生

同場的朱千雪傳被黃宗澤力追，她笑謂：「嗰日我坐車尾，都唔知佢喺度換衫，唔覺佢追我，佢對其他演員都好照顧。（佢係你杯茶？）其實我比較鍾意書生型，唔啱太大隻，企喺佢哋隔籬好有壓力。」

另外，天明日前與太太和大仔TJ到大埔科學園欣賞魔術Show，天明自爆以前為受女仔歡迎而希望成為魔術師，但現為人父的他仍想學魔術：「當然唔係用嚟氹女仔，係想學魔術氹小朋友。」

文：影視組