呂方叫倫永亮爆粗扮謝賢

歌手呂方昨日為九月四及五日假紅館舉行的《呂方代表演唱會》進行綵排，更與音樂總監倫永亮上演「謝賢怒摑曾江」事件，非常搞笑！問到會否參照事件在個唱上玩即興？呂方說：「都會玩即興，佢（倫永亮）好多古靈精怪嘢，仲會講粗口，佢做四哥就好玩喇，點擊率肯定仲爆！」
呂方（左）與倫永亮會在演唱會上玩即興。
呂方（左）與倫永亮會在演唱會上玩即興。

問到可會在個唱中跳舞？呂方笑說：「我係兩邊搖擺嗰隻！」他又謂沒有安排與女舞蹈員跳貼身舞，怕變成玩摔角：「我驚我腳步唔準kick親人！（唔益吓自己？）點知（女舞蹈員）靚唔靚呀！」而呂方透露女朋友屆時亦會到場，又表示會邀請全部朋友來觀看。至於可會邀請舊愛鄭裕玲？他說：「無所謂。」

呂方與倫永亮搞笑重演「謝賢怒摑曾江」事件。
  • 呂方與倫永亮搞笑重演「謝賢怒摑曾江」事件。