劉美娟入院探Quintus 代仔女送卡
電台節目主持劉美娟偕老公張崇德（Peter）昨日帶同一對仔女親筆畫的慰問卡到醫院探望張栢芝細仔Quintus，並與Quintus合照上載微博，並留言：「我家的小朋友很掛念他（Quintus）……我們一家為栢芝一家祈禱。」
劉美娟接受電話訪問時稱：「因為我對仔女同栢芝對仔好好朋友，知Quintus發燒留院，就畫咗卡送畀佢，因為醫院唔適合12歲以下嘅小朋友去探病，所以由我同Peter去送卡囉。」問Quintus情況？劉美娟謂：「佢幾精神，都退咗燒，未知幾時出院，我知佢周二（11日）入院，醫生要佢繼續留院應該係有原因，但大家唔使太擔心，因為有媽咪陪住。」問她可遇見栢芝前夫謝霆鋒及前老爺謝賢？劉美娟謂：「我哋只係探過一次，唔見佢哋，但知Lucas有嚟探細佬，我哋走時見到栢芝媽。」而栢芝經理人在截稿前未有回覆。