Amanda S.大解放未諗再婚

名模Amanda S.昨日出席活動，透露過去三個月返了家鄉法國探望家人及朋友。提到早前她的餅店結業，她指五月時已完全賣盤，自己亦是從報章中得知餅店結業消息，坦言感到心痛。她說：「喺三月時有人想買我間舖，當時我只剩番好少股份。到咗五月頭，我完全唔知餅店嘅運作，完全out of control，所以決定離場。（有冇畀人追債？）經理人有收到電話，不過我哋叫佢聯絡番新股東。（有冇蝕錢？）總括嚟講係好嘅，因為頭兩年生意好好。」她透露近日有朋友邀請出任飲品生意顧問。