Celia雨僑 「胸降」逼爆老蘭
何佩瑜（Jeana）、雨僑和郭穎兒（Celia）前晚踩入蘭桂坊，引來大批龍友爭相拍照，逼爆街頭！當中Celia賣大包，大晒3吋事業線兼露bra邊，性感硬撼其餘兩女！而Jeana則自爆18歲時在老蘭做暑期工，當時被餐廳經理力追，認真威水。
藝人何佩瑜、雨僑和郭穎兒前晚聯同胡耀輝以及十位網絡男神，到蘭桂坊出席電影《猛龍特囧》香港網絡男神選舉的「夜蒲老蘭捕捉野生女神」活動。Celia「大方」騷3吋事業線，更一度露bra邊益龍友，雨僑亦不遑多讓，以中空裙騷上圍，反而一向性感的Jeana裝扮稍為遜色，但三位女神「胸降」老蘭亦足以逼爆！
否認被男友咬大髀
其後，一行人就入夜場為特輯錄影，更舉杯暢飲氣氛高漲。受訪時記者發現雨僑大腿上有一個雞蛋大小的瘀痕，她指自己不小心撞到及被指甲刮傷：「搞到我呢幾日着裙都好肉酸。（以為你畀男友咬！）咬呢度？呢個癖好太癖喇！（咬第二度？）主要都唔會咬嘅，大個（口架）喇，唔會周圍咬人，BB咩！」至於有指Celia與文詠珊前男友李冠峰翹手兼撻着，她斬釘截鐵否認緋聞：「我阿媽都差啲信咗報道，走去買龍鳳鈪。畀番啲機會我，陣間仲要睇吓有咩靚仔。」
Jeana慶幸舅父平安
而Jeana自爆18歲時在老蘭一間餐廳做暑期工，剛才更遇上以前的餐廳經理：「我記得有個餐廳經理追我。（就係嗰個？）另外嘅，我都成日同外籍人士交流英文。」談及天津大爆炸，其舅父一家在當地居住，Jeana有短訊了解情況：「好彩佢哋冇事，但係好心噏，希望傷者早日康復。」她又透露明日會與鄭伊健開拍新戲。
文：影視組